د سه شنبې په سهار د لوګر ولایت د محمد آغا ولسوالۍ په توبکی کلي کې اته ماین پاکوونکي وژل شوي او دری نور ټپیان شوي دي.
یادو ماین پاکانو د MDC یا د ماین کشفوونکي مرکز په نامه د غیر دولتي موسسې لپاره کار کاوو، چې په ۱۹۸۹ کال کې یې بنسټ ایښودل شوی وو.
پیښه د سهار اته بجې شاوخوا هغه وخت رامنځته شوه چې یو لړ نامالومو وسلوالو د یادې موسسې په کارکوونکو ډزې پیل کړې.
تر دې دمه د طالبانو په ګډون هیڅ کومې ډلې د یادې پیښې پړه په غاړه نه ده اخیستې.