د غزني د ولایتي شورا ریس وايي، د دولت وسله والو مخالفینو ددغه ولایت په اندړو ولسوالۍ کې کابو درې سوه ماینونو خښ کړي دي.

د جوزجان ولایت سیمه ایز چارواکي وايي، چې د دغه ولایت د آقچې ولسوالۍ لپاره د طالبانو نومول شوی ولسوال له خپلو دوو ملګرو سره په یو لړ عملیاتو کې نیول شوی دی.

افغان امنیتي چارواکو د شنبې په ورځ وویل، چې په زابل کې د امنیتي ځواکونو په ګډو عملیاتو کې ۱۴ مخالفین وژل شوې دي.

دوی وايي، څلور نور وسله وال په دغو عملیاتو کې ټپیان شوې هم دي.

د ولسمشرۍ راتلونکو ټاکنو لپاره احتمالي کاندید ډاکټر اشرف غني احمدزی وايي، چې قانون بايد د هيواد په ټولو وګړو يو شان پلي شي.